لندن: 42 سالہ برطانوی خاتون سارہ ولکنسن نے اپنی مثالی شادی کے جشن کے انتظار میں 20 سال سرف کیے تاہم اب یہ انتظار کی حد ختم ہوگئی اور انہوں نے عظیم الشان جشن کے تجربے کیلئے اپنے آپ سے ہی شادی کرلی۔ ولکنسن نے شادی کی تقریب کی خود میزبانی کا فیصلہ کیا۔ اپنے لیے منگنی کی انگوٹھی خریدی، اور سوفولک میں ہارویسٹ ہاؤس میں اپنے دوستوں کیساتھ خصوصی دن منایا۔کریڈٹ کنٹرولر کے طور پر کام کرنے والی ولکنسن نے کہا کہ یہ میرے لیے توجہ کا مرکز بننے کا ایک خوبصورت دن تھا۔ یہ تقریب کوئی سرکاری شادی نہیں تھی لیکن میری شادی کا دن تھا۔ مجھے لگتا ہے کہ آپ سوچتے ہیں کہ ہو سکتا ہے کہ شاید یہ میرے کسی ساتھی کے ساتھ نہ ہو لیکن میں کیوں اس خوشی سے محروم رہوں؟۔
