لندن:برطانیہ کے ہیلتھ منسٹر میٹ ہینکاک نے کہا ہے کہ پیر سے اسکولز اور کیئر ہومز میں اپنے ایک عزیز سے ملنے کی اجازت ہوگی۔ لندن میں سوسن ہاپکنز کے ہمراہ پریس بریفنگ میں دعویٰ کیا کہ ویکسین کام کررہی ہے ، کورونا وائرس سے ہونے والی اموات کم ہوگئی ہیں۔ میٹ ہینکاک کے مطابق اکتوبر کے بعد اسپتالوں میں داخلے کی شرح کم ترین سطح پرآگئی ہے ۔اسپتالوں میں داخل افراد کی تعداد 12,136 ہے ، یہ تعداد زیادہ ہے ۔ ڈیٹا درست سمت میں جانے کی تصدیق کررہا ہے ، اور اسی ڈیٹا کی بنیاد پر ہی پابندیاں اٹھائی جائیں گی۔ برطانوی وزیر صحت نے مزید بتایا کہ بچوں اور نوجوانوں کی ذہنی صحت کے لئے اضافی 79 ملین پاؤنڈ دیئے جائیں گے ۔ انھوں نے کہا کہ این ایچ ایس ورکرزکی تنخواہ میں ایک فیصد اضافہ حالات کے مطابق ہے ۔
