مانچسٹر: برطانیہ کے اسکول میں ٹیچر نے مسلمان بچوں کو اسکول میں نماز کی پڑھنے کی اجازت دینے سے انکار کردیا، جس کے بعد طلبا نے سخت سردی میں کھلے آسمان تلے باہر نماز ادا کی، جس کی ویڈیو سوشل میڈیا پر وائرل ہوگئی ہے۔میڈیا کے مطابق برطانیہ کے شہر مانچسٹر سے نزدیک اسکول آلڈھم اکیڈمی نارتھ میں اسکول کے طلبا کی سخت سردی اسکول کے بجائے باہر کھلے آسمان تلے نماز پڑھنے کی ویڈیو وائرل ہوگئی۔ ویڈیو میں 8 طلبا کو اسکول یونیفارم پہنے اسکول کے باہر کھلے آسمان تلے نماز جمعہ پڑھتے دیکھا گیا۔ویڈیو سوشل میڈیا پر وائرل ہونے کے بعد صارفین کی جانب سے اسکول انتظامیہ کو سخت تنقید کا نشانہ بنایا جارہا ہے۔دوسری جانب اسکول انتظامیہ نے ویڈیو سامنے آنے کے بعد معافی مانگ لی ہے، اور کہا کہ واقعہ کی تحقیقات کا آغاز کردیا گیا ہے۔طالب علم کے مطابق اسکول میں طلبا کے لیے نماز کا کمرہ کافی عرصہ سے موجود ہے جہاں تمام مسلمان طلبا نماز کی ادائیگی کرتے تھے۔ طالب علم نے بتایا کہ انہیں اسکول کے ایک استاد نے جمعہ کی نماز ’نماز روم‘ میں ادا کرنے سے منع کیا اور باہر جا کر نماز پڑھنے کا کہا۔
