لندن، 30 اکتوبر (سیاست ڈاٹ کام) برطانیہ کے وزیر اعظم بورس جانسن کے ملک میں جلد ہی دسمبر میں انتخابات کرانے کی تجویز کو پارلیمنٹ کی ابتدائی منظوری مل گئی ہے ۔ مسٹر جانسن کے بل میں 12 دسمبر کو عام انتخابات کرانے کی تجویز ہے ، جس نے اہم مراحل طے کر لئے ہیں اور پاس ہونے سے محض ایک قدم ہی دور ہے ۔ سوال صرف اس بات کا ہے کہ انتخابات 9 دسمبر کو ہوں گے یا 12 دسمبر کو۔ بل منظور ہو جانے کے بعدیہ ہاؤس آف لارڈز میں جائے گا۔ اپوزیشن رہنما جیریمی کربن نے کہا ہے کہ وہ کرسمس سے قبل انتخابات کیلئے تیار ہیں۔ پارلیمنٹ نے وزیر اعظم بورس جانسن کے 12 دسمبر کو ملک میں عام انتخابات کرانے کی تجویز کو پیر کو مسترد کر دیا تھا۔اس سے قبل یورویي یونین (ای یو) برطانیہ کی درخواست پر بریگزٹ کی میعاد بڑھانے پر اتفاق کیا ہے ۔ یوروپي کونسل کے صدر ڈونلڈ ٹسک نے پیر کو بتایا کہ برطانیہ کے یوروپی یونین سے الگ ہونے کے عمل (بریگزٹ ) کی میعاد کو اب 31 اکتوبر سے بڑھاکر 31 جنوری 2020 کر دیا گیا ہے ۔