لندن، 16جنوری (سیاست ڈاٹ کام) برطانیہ میں‘برینڈن’ نامی سمندری نے تباہی مچا دی ہے ۔ آئرلینڈ اور اسکاٹ لینڈ میں بھی تیز آندھی اور سیلاب سے کشتی خدمات بھی معطل کر دی گئی۔اطلاعات کے مطابق برطانیہ کے مختلف علاقوں میں سمندری طوفان برینڈن کی تباہ کاریاں جاری ہیں۔ اسکاٹ لینڈ میں سمندر میں لہریں 25 فٹ تک بلند ہو رہی ہیں۔131 کلو میٹر فی گھنٹہ کی رفتار سے چلنے والی طوفانی ہواؤں کی وجہ سے درخت اکھڑ گئے ، مکانات کی چھتیں اڑ گئیں اور پروازیں منسوخ کرنا پڑیں۔اس صورتحال کے پیش نظر آئرلینڈ اور اسکاٹ لینڈ میں اسکول بند کردیئے گئے ، کشتی خدمات بھی متاثر ہوئی ہے ، جبکہ ٹرینوں کی آمدورفت بھی متاثر ہوئی ہے ۔ امدادی کارکنوں نے متاثرہ علاقوں میں بچاؤکاری کا آغاز کر دیا۔
