لندن : برطانیہ کی مرکزی بیرونی شاہراہوں میں سے ایک پر ایک حیران کن منظر دیکھنے میں آیا۔ ایک چھوٹے طیارہ کو کاروں سے بھری سڑک پر ہنگامی لینڈنگ کرنا پڑ گئی۔ حیران کن طورپر طیارے کا عملہ موت سے بچنے میں کامیاب ہوگیا۔ ہائی وے پر کاریں بھی ایک ایسی تباہی سے بچ گئیں۔ میڈیا رپورٹس کے مطابق برطانیوں کو اس واقعہ کا علم ہوا۔ متعدد ذرائع سے تفصیلات حاصل کیں۔ طیارہ کو شام 6 بجے ایک مصروف دو رویہ سڑک پر ہنگامی لینڈنگ کرنا پڑی۔ ایک ایمبولینس، ریسکیو کی گاڑی اور پولیس کی ٹیمیں فوری طورپر طیارے کی لینڈنگ کے مقام پر پہنچ گئیں۔ طیارے کو گلوسٹر شائر کے گولڈن ویلی ڈسٹرکٹ میں ہائی وے پر زبردستی لینڈنگ کرنا پڑی۔ پولیس کا کہناتھا کہ لینڈنگ کا عمل بحفاظت ہوااور اس میں کوئی زخمی ہوا نہ ہی کوئی بڑا مالی نقصان ہوا۔ پولیس کے ایک ترجمان نے بتایا کہ ہمیں یہ اطلاع ملنے کے بعد شام 6 بجے سے کچھ دیر پہلے بلایا گیا کہ ایک کم وزنی چھوٹا طیارہ گولڈن ویلی پر اترا ہے۔17 سالہ ویسپر گرے سمتھ نے بتایا کہ وہ گلوسٹر سے چیلٹن ہیم جانے والی بس میں سوار تھے جب انہوں نے راستے میں طیارے کو دیکھا اور اس کی تصاویر لیں۔ میں نے جائے وقوعہ کے قریب سے کچھ فائر انجنوں کو جائے حادثہ پر جانے کے لیے گزرتے دیکھا۔
