لندن۔17؍جولائی ( ایجنسیز ) برطانیہ کے شہر شیفیلڈ کی ایک مسجد کے باہر جنگلی چوہے چھوڑنے والے شخص کو جیل بھیج دیا گیا ہے۔برطانوی اخبار انڈیپنڈنٹ کے مطابق 66 سال کے ایڈمنڈ فاؤلر شیفیلڈ گرینڈ مسجد کے باہر اپنی گاڑی کے پچھلے حصے سے چوہے نکال رہے تھے جب سی سی ٹی وی کیمروں نے یہ منظر ریکارڈ کر لیا۔ فوٹیج میں چوہوں کو مسجد کی باڑ سے عمارت کے اندر جاتے ہوئے دیکھا جا سکتا ہے۔فاؤلر سزا س سے پہلے مئی اور جون کے درمیان تین بار ایسا کر چکے ہیں۔ انہیں شیفیلڈ مجسٹریٹس کی عدالت نے نسلی طور پر ہراساں کرنے کے چار الزامات کے تحت 18 ماہ قید کی سزا سنائی ہے۔
