لندن: برطانوی وزیراعظم بورس جانسن نے کہا ہے کہ ملک بھر میں 10ملین افراد کو کورونا ویکسین لگا کر اہم سنگ میل عبور کرلیا گیا ہے ۔بورس جانسن کا کہنا ہے کہ کورونا وائرس کی شرح اب بھی خطرناک حد تک بلند ہے ۔ انہوں نے کہا کہ پابندیوں میں نرمی کا فیصلہ کیسز کی شرح کم ہونے پر کیا جائے گا۔برطانوی وزیراعظم نے 100سال کے سر ٹام مور کو این ایچ ایس کے لیے فنڈز جمع کرنے پر خراج تحسین پیش کیا، سرٹام مور کا گزشتہ روز کورونا وائرس سے انتقال ہوا تھا۔برطانیہ میں چوبیس گھنٹوں میں 1322 افراد کی موت سے یہاں ہلاک ہونے والے مریضوں کی مجموعی تعداد ایک لاکھ 10 ہزار کے قریب پہنچ گئی۔
