ریاض ۔ بین الاقوامی میڈیاکے مطابق سعودی ڈیفنس فورسز نے چند دن پہلے مملکت کی سمت بھیجا جانے والے ڈرون بھی تباہ کیا تھا، جواطلاعات کے مطابق بارود سے لدا ہوا تھا تاکہ ہدف کو نشانہ بنا کر تباہ کیا جا سکے۔ میڈیا کے مطابق یمن کی آئینی حکومت کی حمایت کرنے والے عرب اتحاد کا کہنا ہے کہ حوثی ملیشیا کی جانب سے نہتے سویلین کو نشانہ بنانا انسانی حقوق کے بین الاقوامی قانون کی صریح خلاف ورزی ہے۔ ایرانی حمایت یافتہ حوثی ملیشیا نے گذشتہ چند ہفتوں سے سعودی عرب میں عام شہری تنصیبات اور اقتصادی منصوبوں کو نشانہ بنانے کی اپنی کارروائیاں تیز کر رکھی ہیں، جس پر متعدد مغربی اور عرب ممالک نے انہیں شدید تنقید کا نشانہ بنایا ہے۔ خیال رہے عالمی برادری نے سعودی عرب کی سلامتی کے تحفظ کا ساتھ دینے کا اشارہ دیتے ہوئے حوثیوں کی دہشت گردی کارروائیوں کی مذمت بھی کی۔ واضح رہے سعودی وزارت دفاع کی بروقت کارروائی نے جدہ کو نشانہ بنانے کی کوشش کوناکام بنادیا۔
