اسلام آباد 13جولائی (یواین آئی) راولپنڈی سے لاہور جانے والی بس حادثہ کا شکار ہوگئی جس میں پانچ لوگوں کی موت ہوگئی جبکہ 28 افرادزخمی ہوگئے ۔ موٹروے پولیس کے مطابق مسافر بس راولپنڈی سے لاہور جارہی تھی، چکری انٹرچینج کے قریب پھسلن کے باعث بس ڈرائیور سے بے قابو ہوکر کچے میں اتر کر الٹ گئی۔موٹروے پولیس کے مطابق حادثہ میں 5افراد جاں بحق جبکہ خواتین اور بچوں سے سمیت 28 افراد زخمی ہوگئے ، حادثہ کے بعد امدادی سرگرمیوں کیلئے ریسکیو ٹیمیں اورموٹروے پولیس جائے وقوعہ پر پہنچیں۔ موٹروے پولیس کے مطابق حادثے کے ڈی ایچ کیو چکوال، پمز اسلام آباد اور راولپنڈی منتقل کیا گیا، زخمیوں میں کچھ کی حالت تشویشناک ہے ۔