بغداد: عراق کے دارالحکومت بغداد میں 46 واں بغداد بین الاقوامی تجارتی میلہ کورونا وائرس عالمی وباکی وجہ سے تین سال کے وقفے کے بعد گزشتہ روز شروع ہوا۔عراق کے وزیرتجارت اطہر داؤد الغریری نے میلے کا افتتاح کیا۔ اس میں 13 ممالک کی 363 سے زائد کمپنیاں حصہ لے رہی ہیں۔ الغریری نے افتتاح کے موقع پر کہا کہ ممالک اور کمپنیوں کی شرکت اس بات کی تصدیق کرتی ہے کہ عراق کی اقتصادی فورمز کو اپنی طرف متوجہ کرنے اور دنیا میں ہونے والی سائنسی اور تکنیکی ترقی کے ساتھ ہم آہنگ رہنے کی صلاحیت ہے ۔وہیں عراقی میلوں کیلئے وزارت کی سرکاری کمپنی کی سربراہ زینب ناصر نے کہا کہ یہ نمائش 10 دن تک جاری رہے گی۔
انہوں نے کہا کہ اس کا مقصد عراق میں اقتصادی اور سیکورٹی ترقی کی حقیقی تصویر پیش کرنا ہے۔
انہوں نے مزید کہا کہ یہ نمائش اہم اقتصادی سرگرمیوں میں کامیابی کیلئے عراق کی صلاحیت کی بھی عکاسی کرتی ہے ۔ یہ ملک کو بڑے اقتصادی پروجیکٹوں کے ساتھ عرب اور بین الاقوامی سرمایہ کاری کو راغب کرنے کا موقع فراہم کرتی ہے ۔
