کراچی : پاکستان پیپلز پارٹی کے چیئرمین بلاول بھٹو زرداری کا کرونا ٹسٹ مثبت آ گیا ہے اور انہوں نے کہا ہے کہ ان پر کرونا کی معمولی علامات ظاہر ہوئی ہیں۔ اس سے قبل اپنے سیاسی مشیر کا کرونا ٹسٹ مثبت آنے کے بعد وہ آئسولیشن میں چلے گئے تھے۔ بلاول بھٹو نے جمعرات کو اپنی ٹویٹ میں لکھا ہے کہ ’میرا کرونا وائرس کا ٹیسٹ مثبت آیا ہے اور میں نے معمولی علامات کے ساتھ خود کو قرنطینہ کر لیا ہے۔ میں گھر سے کام جاری رکھوں گا اور پیپلز پارٹی کے فاؤنڈیشن ڈے کی تقریب میں ویڈیو لنک کے ذریعے شرکت کروں گا۔‘
