حیدرآباد /19 اگست ( سیاست نیوز ) سائبرآباد پولیس کمشنریٹ حدود میں پیش آئے دو علحدہ واقعات میں دو افراد بشمول ایک خاتون بلندی سے مشتبہ طور پر گرکر فوت ہوگئے ۔ ڈندیگل پولیس کے مطابق 40 سالہ سرینواس جو پیشہ سے پینٹر تھا ۔ پورم پیٹ علاقہ میں رہتا تھا ۔ 17 اگست کے دن یہ شخص ایک زیر تعمیر عمارت میں کام کر رہا تھا کہ عمارت کی دوسری منزل سے مشتبہ طور پر گرکر شدید زخمی ہوگیا اور علاج کے دوران کل رات فوت ہوگیا ۔ کوکٹ پلی پولیس کے مطابق 27 سالہ خاتون سورنا لتا جو کوکٹ پلی علاقہ کے ساکن شخص ناگامنی کی بیوی تھی ۔ یہ خاتون ایک زیر تعمیر عمارت کی دوسری منزل پر کام کر رہی تھی کہ بلندی سے گرکر شدید زخمی ہوگئی تھی ۔ جس کو فوری ہاسپٹل منتقل کیا گیا جہاں علاج کے دوران فوت ہوگئی ۔ پولیس نے مقدمات درج کرلئے ہیں اور مصروف تحقیقات ہے ۔
