حیدرآباد /18 نومبر ( سیاست نیوز ) جواہر نگر علاقہ میں ایک شخص بلندی سے مشتبہ طور پر گرکر ہلاک ہوگیا ۔ پولیس کے مطابق 40 سالہ کروناکر جو پیشہ سے سیول کنٹراکٹر ۔ وینکٹاپورم علاقہ کا ساکن بتایا گیا ہے ۔ کل یہ شخص جواہر نگر کے علاقہ میں ایک زیر تعمیر مکان کی دوسری منزل پر کام میں مصروف تھا ۔ یہ شخص عمارت میں میجرمنٹ لے رہا تھا کہ دوسری منزل کی بلندی سے مشتبہ طور پر گرکر ہلاک ہوگیا ۔ جواہر نگر پولیس نے مقدمہ درج کرلیا ہے اور مصروف تحقیقات ہے ۔