کوئٹہ، 16ستمبر (یو این آئی) بلوچستان کے ضلع کیچ میں آئی ای ڈی دھماکے میں کیپٹن سمیت 5 جوانوں کی شہادت کے بعد سکیورٹی فورسز کے سینی ٹائزیشن آپریشن میں 5دہشت گرد ہلاک ہوگئے ۔ پاک فوج کے شعبہ تعلقات عامہ کے مطابق ضلع کیچ کے جنرل ایریا شیر بندی میں گزشتہ روز آئی ای ڈی دھماکے میں کیپٹن سمیت 5 سکیورٹی اہل کاروں نے جام شہادت نوش کیا۔ شہید ہونے والوں میں لورالائی سے تعلق رکھنے والے کیپٹن وقار احمد، ڈیرہ غازی خان کے نائیک عصمت اللہ، سکھر کے لانس نائیک جنید احمد، مردان کے لانس نائیک خان محمد اور صوابی کے سپاہی محمد ظہور شامل ہیں۔
