حیدرآباد۔ بلیک فنگس کے اینٹی وائرل انجکشن کی بلیک مارکیٹنگ کرنے والی ایک 6 رکنی ٹولی کو ایس او ٹی پولیس نے بے نقاب کردیا۔ اسپیشل آپریشن ٹیم ایل بی نگر اور چیتنیہ پوری نے ایک مشترکہ کارروائی میں 4 افراد کو گرفتار کرلیا جبکہ دو مفرور بتائے گئے ہیں۔ پولیس نے کارروائی کے دوران 42 سالہ ایم ایس وینکٹیشورلو ( دلسکھ نگر ) ، 27 سالہ ایم راما کرشنا ( گنٹور ) ، 35 سالہ ایل مہیشور ریڈی (سعید آباد) اور 35 سالہ سی راجو ساکن چیتنیہ پوری کو گرفتار کرلیا جبکہ دیگر دو ایم مہا لکشمی ساکن چیتنیہ پوری اور نوین ساکن بورا بنڈہ مفرور بتائے گئے ہیں۔ پولیس نے ان کے قبضہ سے 5 انجکشنس، 20,990 روپئے نقد رقم، ایک کار اور 6 سیل فون ضبط کرلیا۔ یہ ٹولی زائد قیمت پر کوویڈ کے مریضوں کو دوا فروخت کررہی تھی۔
