ممبئی: مہاراشٹرا سماج وادی پارٹی لیڈر و رکن اسمبلی نے بلی بائی اور سلی ڈیل نامی قابل اعتراض ویب اور ایپ کو بند کر نے کے ساتھ ان شرپسندوں کے خلاف یو اے پی اے کے تحت مقدمہ درج کرنے کا مطالبہ کیا ہے جو مسلم خواتین و لڑکیوں کی تصاویر سوشل میڈیا کی سائٹس سے لیکر اس کی نیلامی کرتے ہیں۔ مسلم لڑکیوں کی اس قسم کی ہراسائی ناقابل برداشت ہے۔ ایسی ذہنیت کے لوگوں کیخلاف کارروائی ضروری ہے۔ ابوعاصم اعظمی نے یہاں صدرجمہوریہ اور چیف جسٹس سے مطالبہ کیا ہیکہ مسلم خواتین و لڑکیوں کیساتھ اس قسم کی غیرشائستہ اور نازیبا حرکت کر نے والوں پر سخت کارروائی کی جائے گی اوران پر یو اے پی اے کا اطلاق کیا جائے کیونکہ یہ جرم بدامنی پیدا کرنے کے مترادف ہے اس سے سماج میں امن وسلامتی کا مسئلہ پیدا ہوگا۔ اعظمی نے یہ سوال کیا کہ اس قسم کی حرکت پر سرکار کو سخت کارروائی کرنی چاہئے جبکہ اس معاملہ میں آئی ٹی ایکٹ سمیت نفرت پھیلانے اور اشتعال انگیزی کا معاملہ درج کر لیا گیا ہے ممبئی میں بھی اس کے خلاف ایف آئی آر درج کی گئی ہے ۔