مسی سپپی: گھر کی رکھوالی کیلئے کتوں کے سچے واقعات تو بہت ہیں لیکن امریکہ میں ایک پالتو بلی نے اپنے مالک کو بروقت بیدار کرکے چوری کی واردات ناکام بنا دی ہے۔مسی سپی کے رہائشی 68 سالہ شخص فریڈ ایورٹ کی پالتو بلی کا نام کیلکو ہے جس نے اس وقت اپنے مالک کو خبردار کیا جب دو افراد چوری کی غرض سے گھر میں گھسنے کی کوشش کی۔ گزشتہ ہفتے رات کی تاریکی میں جب ڈھائی سے تین بجے کے درمیان دو مشکوک افراد نے گھر میں داخل ہونے کی کوشش کی تو بلی اس خطرے کو بھانپ گئی۔یہ مکان بیلڈن شہر کی نواح میں واقع ہے جہاں 25 جولائی کو یہ واقعہ پیش آیا۔ اس کے بعد کیلیکو فوراً اپنے مالک کی خوابگاہ میں بھاگی۔ پلنگ پر چڑھی، اور اس دوران تیز آواز میں میاؤں میاؤں بھی کرتی رہی۔ اس نے اپنے 68 سالہ مالک کی چادر کھینچی اور ہاتھ پر پنجے رگڑے۔ اس عجیب ردِ عمل سے فریڈ چوکنا ہوا کہ دال میں کچھ کالا ہے کیونکہ اس نے کبھی ایسا برتاؤ نہیں کیا تھا۔
