نائل نصر کا مصر کے کھرب پتی خاندان سے تعلق
واشنگٹن ۔31 جنوری (سیاست ڈاٹ کام) مائیکرو سافٹ کے بانی بل گیٹس کی دختر جنیفر گیٹس نے اپنے مسلم کھلاڑی دوست سے منگنی کا اعلان کرتے ہوئے انسٹاگرام پر کچھ تصاویر بھی پوسٹ کیں۔ ان کا ہونے والا شوہر 28 سالہ نائل نصر ہے جو پیرس پینتھرس کیلئے ایک پروفیشنل ایکوئسٹرین ہے جو گھڑسواری کا کھیل ہے جس کی جنیفر نگرانکار ہیں۔ اسٹینفورڈ یونیورسٹی میں دونوں ساتھ ساتھ تعلیم حاصل کرتے تھے۔ نائل نصر یوں تو مصری نژاد ہے لیکن اس کی پیدائش شکاگو میں ہوئی۔ 2013ء میں نصر نے اور 2018ء میں جنیفر نے گریجویشن کی تکمیل کی۔ اب تک بل گیٹس نے اس معاملہ پر کوئی بیان جاری نہیں کیا ہے جبکہ ان کی بیوی میلنڈا نائل نصر اور جنیفر کی منگنی سے بہت خوش ہیں۔ نائل نصر مصر کے کھرب پتی خاندان سے تعلق رکھتے ہیں۔ ایک طویل عرصہ تک ڈیٹنگ کے بعد بل گیٹس کی دختر نے اپنی منگنی کا اعلان کیا ہے۔ کیتھرین اور نائل نصر دونوں نے ملکر انسٹاگرام اکاؤنٹس پر اپنی تصاویر پوسٹ کیں۔ نائل نصر کے بارے میں لکھتے ہوئے کیتھرین گیٹس نے کہاکہ آپ لاکھوں میں ایک ہیں۔ اِس پر ہزاروں انسٹاگرام فالوورس نے لائک کیا۔ کیتھرین نے مزید لکھا کہ میں اب زیادہ دن انتظار نہیں کرسکتی۔ ہماری ساری زندگی سیکھنے ، آگے بڑھنے ، ہنسی مذاق کھیل کود میں گزر گئی۔ اب ہم کو ایک ساتھ مل کر ازدواجی زندگی کا لطف لینا ہے۔