اقوام متحدہ/نئی دہلی : ہندوستان کے پروفیسر بمل این پٹیل کو اقوام متحدہ کے قانونی ماہرین کے ادارے انٹرنیشنل لا کمیشن کے لیے منتخب کیا گیا ہے ۔ پٹیل کی مدت کار یکم جنوری 2023 سے شروع ہوگی اور پانچ سال تک رہے گی۔ ہندوستان کے مستقل مشن نے ٹویٹ کیا کہ پٹیل کو ایشیا پیسیفک خطے میں 192 میں سے 163 ووٹ ملے ہیں۔ مشن نے کہا کہ ہندوستان کے پروفیسر بمل پٹیل بین الاقوامی لاکمیشن میں پانچ سال کے لئے منتخب ہوئے ہیں۔ ہمارا تعاون قانون پر مبنی آرڈر کو برقرار رکھنے کی نمائندگی کرے گا، جسے قانون کے ذریعہ نشان زدکیا گیا ہے ۔ اقوام متحدہ میں ہندوستان کے مستقل نمائندے ٹی ایس ترومورتی نے ٹویٹر پر اپنے مبارکبادی پیغام میں کہا، “ڈیفنس یونیورسٹی کے پروفیسر بمل پٹیل کو اقوام متحدہ کی اعلیٰ ترین قانونی یونٹ انٹرنیشنل لاء کمیشن کے لیے منتخب ہونے پر دلی مبارکباد۔ ہندوستانی امیدوار کی زبردست حمایت کے لیے اقوام متحدہ کے تمام رکن ممالک کا شکریہ۔ پٹیل دفاعی یونیورسٹی کے وائس چانسلر اور ہندوستان کے قومی سلامتی مشاورتی بورڈ کے رکن ہیں۔
وہ اقوام متحدہ کی سلامتی کونسل (2021-22) میں ہندوستان کی رکنیت پر پرنسپل اکیڈمک ایڈوائزر بھی ہیں اور ہندوستان کے 21 ویں لاء کمیشن (2015-2018) کے رکن بھی رہے ہیں۔ قابل ذکر ہے کہ انٹرنیشنل لاء کمیشن بین الاقوامی قانون کی ترقی اور ضابطہ بندی کی ذمہ داری نبھانے والے اقوام متحدہ کے قانونی ماہرین کا ایک ادارہ ہے ۔ اس کے 34 ارکان ہیں، جنہیں اقوام متحدہ کے رکن ممالک کے ذریعہ پانچ سال کے لئے منتخب کیا جاتا ہے ۔
