نئی دہلی: کانگریس کے شیواجی بڈپا کلگے نے چہارشنبہ کو لوک سبھا میں وقفہ صفر کے دوران لاتور ضلع کی بند پڑی دودھ پاؤڈر مل کو پھر سے چلانے کا مطالبہ کیا۔ انہوں نے کہا کہ اس سے وہاں بڑی تعداد میں لوگوں کو روزگار کے مواقع ملیں گے ۔اس معاملے کو ایوان میں اُٹھاتے ہوئے بڈپا نے کہا کہ یہ مل کافی عرصے سے بند ہے ، جسے دوبارہ شروع کرنے سے وہاں معاشی سرگرمیاں اور روزگار کے مواقع بڑھ سکتے ہیں۔این سی پی کے بجرنگ منوہر سوناونے ( شرد چندر پوار ) نے فصل بیمہ اسکیم کے تحت متاثرہ کسانوں کو بیمہ کی رقم فراہم کرنے کا مطالبہ کیا۔ انہوں نے کہا کہ ان کے حلقہ بیڑ ضلع کے کئی کسان فصل بیمہ کی رقم کی ادائیگی کے منتظر ہیں۔ ترنمول کانگریس کے یوسف پٹھان نے مغربی بنگال میں بند جوٹ ملوں کو دوبارہ شروع کرنے اور جوٹ کے کسانوں اور جوٹ ورکرز کی مدد کرنے کا مطالبہ کیا۔کانگریس کے اگومایا ویمول اکوئیجم نے منی پور میں پرتشدد واقعات کے دوبارہ شروع ہونے کو انتہائی سنگین معاملہ قرار دیتے ہوئے کہا کہ حکومت کو فوری طور پر وہاں امن بحال کرنے کی کوشش کرنی چاہیے ۔ منی پور میں 14 ماہ قبل شروع ہونے والی بدامنی کے نتیجے میں جان و مال کا بہت زیادہ نقصان ہوا ہے ۔
