کولکتہ۔16 مارچ (سیاست ڈاٹ کام)کورونا وائرس انفیکشن کے خطرات سے بچنے کیلئے احتیاط کے طور پر مغربی بنگال اسمبلی کو بدھ سے بند کرنے کافیصلہ کیا ہے ۔اسپیکر بمان مکھرجی کی صدارت میں ا ٓج کل جماعتی میٹنگ ہوئی جس میں احتیاطی تدابیر کے تحت منگل کو اسمبلی اجلاس ہونے کے بعد سیشن کی کارروائی ملتوی کرنے کا فیصلہ کا گیا ہے ۔اس سے قبل چھتیس گڑھ اور مدھیہ پردیش نے بھی اسمبلی اجلاس کو ملتوی کردیا ہے ۔اس سے قبل ریاستی اسمبلی کے اجلاس میں اسپیکرنے ممبران اسمبلی کے ساتھ آنے والے لوگوں پر پابندی اور سیشن کے دوران بہت اسکولوں اور کالجوں کے طلبا کے آنے پر پابندی عاید کردی گئی ہے ۔بائیں بازو کے رہنما سوجن چکرورتی نے کہا کہ باشعور شہری اسمبلی میں آتے ہیں۔انہوں نے کہا کہ سیشن احتیاطی تدابیر کے ساتھ چلایا جاسکتا تھا۔ جو لوگ سڑک پر ہیں ان کا کیا بنے گا؟ دوسری طرف کانگریس کے لیڈر اور اپوزیشن لیڈر عبد المنان نے کہا کہ گھبرانے کی کوئی بات نہیں ہے ۔ کون یقین دلا سکتا ہے کہ بس ٹرین پر وائرس نہیں پھیلے گا؟اس کے علاوہ کورونا وائرس کے دہشت کے تناظر میں نیشنل لائبریری کو بھی بند کیا جارہا ہے ۔ ہر دن بہت سے لوگ نیشنل لائبریری میں آتے ہیں۔ جب بہت سے لوگ اکٹھے ہوجاتے ہیں تو، کورونا وائرس کے انفیکشن پھیلنے کا امکان رہتا ہے ۔