کولکتہ: مغربی بنگال کا محکمہ صحت یونیسیف اور لائنس کلب انٹرنیشنل کے اشتراک سے آنے والے پیر (9 جنوری) سے ریاست گیر مہم شروع کرے گا۔ سرکاری ذرائع نے بتایا کہ شہر اور دیہی علاقوں کے کچھ علاقوں میں دوبارہ مہلک وائرل انفیکشن کے خاتمے کے لیے 9 ماہ سے 15 سال کی عمر کے بچوں کو خسرہ-روبیلا (ایم آر) ٹیکہ اندازی مہم 9 جنوری سے شروع کی جائے گی اور یہ مہم 11 فروری تک جاری رہے گی۔ محکمہ صحت و خاندانی فلاح و بہبود کے سینئر افسر ڈاکٹر پارتھا ڈے نے ایک میڈیا کانفرنس کو بتایاکہ ہمارا مقصد کولکتہ میں تقریباً 10 لاکھ بچوں اور مغربی بنگال کے اضلاع میں 2.33 کروڑ بچوں کو ٹیکہ لگانے کا ہے ۔ انہوں نے کہا کہ ملک کی 34 ریاستوں؍ مرکز کے زیر انتظام علاقوں میں خسرہ روبیلا مہم پہلے ہی مکمل ہو چکی ہے ۔ مغربی بنگال میں مہم 9 جنوری کو شروع ہوگی اور 11 فروری کو اسکولوں کی بندش کے ساتھ ختم ہوگی۔ ڈاکٹر ڈے نے تصدیق کی کہ تازہ ترین ٹیکہ اندازی لانچ بنیادی طور پر ایک اضافی خوراک ہے ، ایم آر کو ختم کرنے کی ایک کوشش ہے ، جو ریاست کے کچھ علاقوں میں رپورٹ کیا گیا ہے ۔
