سری نگر : مغربی بنگال کی چیف منسٹر ممتابنرجی کے مخالف بی جے امیدوار شوبھیندو ادھیکاری کو ہدف تنقید بناتے ہوئے نیشنل کانفرنس لیلار عمر عبداللہ نے کہا ہے کہ بی جے پی لیڈروں کے مطابق دفعہ کی تنسیخ کے بعد کشمیر جنت بن گیا ہے تو مغربی بنگال کو کشمیر بننے میں کیا حرج ہے ۔انہوں نے کہا کہ بنگالی لوگ کشمیر سے محبت کرتے ہیں اور کافی تعداد میں یہاں آتے ہیں۔بتادیں کہ مغربی بنگال کی نندی گرام اسمبلی نشست کے بی جے پی امیدوار شوبھیندو ادھیکاری نے کہا ہے کہ اگر ترنمول کانگریس دوبارہ بر سر اقتدار آئیگی تو مغربی بنگال کشمیر بن جائیگا۔عمر عبداللہ نے جواب میں ایک ٹوئیٹ میں کہا لیکن بی جے پی والوں کے مطابق تو دفعہ 370 کی تنسیخ کے بعد کشمیر جنت بن گیا ہے تو مغربی بنگال کو کشمیر بننے میں کیا حرج ہے ۔ بنگالی عوام کشمیر سے محبت کرتے ہیں اور یہاں کافی تعداد میں آتے ہیں ۔
