بنگال کے ایک گاؤں میں ٹی ایم سی اور بی جے پی اہلکار کے درمیان تصادم میں پولیس اہلکار زخمی
جھارگرام: مغربی بنگال کے جھارگرام ضلع کے ایک گاؤں میں منگل کے روز مقامی معاملے پر ترنمول کانگریس اور بی جے پی کے کارکنوں کے مابین ہونے والی جھڑپ میں پولیس اہلکار اور متعدد سیاسی پارٹی کارکن زخمی ہوگئے ہیں ، پولیس نے اس بات کی اطلاع دی ہے۔
یہ واقعہ بلیبیرا پولیس اسٹیشن کے تحت کلینجا میں پیش آیا۔
پولیس نے بتایا کہ گوپی اللہ پور کے سرکل انسپکٹر گوتم چکرورتی اس وقت شدید زخمی ہوگئے جب وہ صورتحال کو قابو میں کرنے کی کوشش کررہے تھے۔
چکرورتی کو جھارگرام سپر اسپیشلیٹی اسپتال میں داخل کرایا گیا تھا جبکہ زخمی بی جے پی اور ٹی ایم سی کارکنوں کو ابتدائی طبی امداد کے بعد رہا کردیا گیا ہے۔
ڈسٹرکٹ سپرنٹنڈنٹ پولیس امیت کمار بھرت راٹھود نے کہا کہ واقعہ کی تحقیقات کی جائیں گی۔