بنگلورو ۔ رائل چیلنجرز بنگلور پیرکو یہاں آئی پی ایل میں لکھنؤ سوپر جائنٹس کا مقابلہ کریں گے تو وہ اپنے بیٹروں اور ڈیتھ اوورزکی بولنگ میں نظم و ضبط سے زیادہ رنز کی توقع کرے گا۔آئی پی ایل 2023 میں ایل ایس جی کے تصادم سے قبل آر سی بی کو اسپن پلے اور ڈیتھ اوورزکی بولنگ پر توجہ دینے کی اشد ضرورت ہے۔آر سی بی کولکتہ نائٹ رائڈرس کے خلاف 81 رنزکی مایوس کن شکست کے بعد میچ ایم چنا سوامیاسٹیڈیم میں جیتنے کے طریقوں میں واپس آنے کے لئے بے تاب ہوگا۔ یہ ٹورنمنٹ کے ابتدائی دن ہیں لیکن آر سی بی کی ڈیتھ بولنگ ٹیم کے لیے ایک بڑی پریشانی کا باعث ہے۔ آر سی بی نے سیزن کی اپنی دوسری جیت درج کرنے کے لئے راستے پر تھا لیکن 12 ویں اوورکے بعد کہانی خراب ہوگئی ۔ ان کے ہاتھ میں مقابلہ تھا، جس نے مخالف کو 5 وکٹ پر89 تک محدود کردیا تھا لیکن اس کے باوجود اس مقابلے میں کے کے آر 204/7 کا ہمالیائی اسکور بنایا۔ ممبئی کے خلاف بھی انہوں نے آخری پانچ اووروں میں فی اورر 13 سے زیادہ رنز دئے۔ ڈیتھ اوورز کے ماہر ہرشل پٹیل اور محمد سراج، جنہوں نے نئی گیند کے ساتھ اچھی کارکردگی کا مظاہرہ کیا تھا، وہ جدوجہد کر رہے ہیں۔ وانندو ہسرنگا، جو سری لنکا کی خدمات پر ہیں، اور جوش ہیزل ووڈزخم سے صحت یاب ہو رہے ہیں، انکی غیر موجودگی نے آر سی بی کو بولنگ کے مسائل سے پریشان کردیا ہے ۔ توقع ہے کہ دونوں بولرس اس ہفتے ٹیم میں شامل ہوجائیں گے لیکن اس وقت تک جنوبی افریقی میڈیم فاسٹ بولروین پارنیل جو ریس ٹوپلے کے متبادل میں آئے ہیں، اننگز کے اختتام پر گیند سے مددکر سکتے ہیں۔ آر سی بی کی گہری بیٹنگ میں ہے ۔ اوپنرز ویرات کوہلی اور ڈو پلیسس نے ممبئی کے خلاف جیت میں اہم رول ادا کیا تھا لیکن کے کے آر کے خلاف پوری لائن اپ اسپن کے خلاف بے بس ہوگئی ۔ وہ لکھنؤ کے اسپنرزکے خلاف ہوشیار رہیں گے، جو جمعہ کو سن رائزرس حیدرآباد کے خلاف پانچ وکٹوں کی جیت میں اپنے شاندار مظاہروں سے کلیدی رول ادا کیا تھا۔ نوجوان لیگ اسپنر روی بشنوئی نے چھ وکٹیں لے کر متاثر کرنا جاری رکھا ہے، جبکہ تجربہ کار لیگ اسپنر امیت مشرا اورکرونل پانڈیا نے بھی اہمکردار ادا کیے ہیں۔ فاسٹ بولنگ شعبہمیں انگلینڈ کے فاسٹ بولراور ٹورنمنٹ کے مشترکہ سرکردہ وکٹ لینے والے مارک ووڈ شاندار فام میں ہیںاور میڈیم پیسر اویس خان کے ساتھ دیکھنا یہ ہے کہ دونوں آر سی بی کے خلاف دستیاب ہوتے ہیں یا نہیں۔ لکھنو جس نے دو مقابلے جیتے ہیں اور ایک میچ ہارا ہے، امید کرے گا کہ ان کے بیٹرس مزید مستقل مزاجی سے کام لیں گے۔ جبکہ کائل میئرز شاندار رہے ہیں، کپتان کے ایل راہول اور آل راؤنڈر مارکس اسٹوئنس کی فارم تشویش کا باعث ہے۔
