بنگلورو: بنگلورو پولیس نے ایک خاتون سافٹ ویر پروفیشنل کے قتل کے معاملے کو نئی دہلی سے اس کے بوائے فرینڈ کی گرفتاری کے ساتھ حل کرلیا ہے جو پورے ملک میں گھومتے ہوئے انہیں 20 دن تک پریشان کیا۔گرفتار شخص کی شناخت ارپت گجرال کے نام سے ہوئی ہے اور متاثرہ کا نام آکانکشا ہے۔ پولیس نے بتایا کہ دونوں لیو ان ریلیشن شپ میں تھے اور یہاں اس کے فلیٹ میں رہتے تھے۔گجرال نے پولیس کو بتایا تھا کہ اس نے ارپیتا کو ماراکیونکہ اس کا اس سے رشتہ ٹوٹ گیا تھا اور وہ نہیں چاہتا تھا کہ کوئی اسے حاصل کرے۔ وہ 6 جون کو آخری بار اکانکشا سے ملنے کے بہانے بنگلوروآیا تھا، اس نے اسے اس کے فلیٹ میں تکیے سے مار ڈالا، اور موقع سے فرار ہوگیا۔گجرال نے پولیس سے بچنے کے لیے اس قتل کی منصوبہ بندی کی تھی۔ بنگلورو آتے ہوئے اس نے اپنا موبائل نئی دہلی چھوڑ دیا تھا اورگھر سے کپڑے کے7 سے 8 جوڑے اور5000 روپے نقد لے کر آیا تھا۔ وہ پہلے آندھرا پردیش کے وجے واڑہ گیا اور وہاں اپنے کپڑے رکھے تھے اور پھر بنگلورو آگیا ۔وہ جانتا تھا کہ اگر وہ گاڑی میں اپارٹمنٹ پہنچا تو پولیس اسے پکڑ سکتی ہے، وہ اپنا چہرہ چھپا کر مکان تک چلا گیا۔قتل کا ارتکاب کرنے کے بعد وہ فرار ہوگیا جب واقعہ سامنے آیا تو اس کے ایک دوست نے فلیٹ کا دورہ کیا اور انتظامیہ کو معاملے کی اطلاع دی۔ ملزم اس کے بعد ریلوے اسٹیشن تک آٹھ کلومیٹر پیدل چل کر حیدرآباد پہنچا تھا۔ وہاں سے وہ ٹرین میں سوار ہوا اور اپنے دوستوں سے رابطہ کرنے کی کوشش کی۔ جب دوستوں سے مدد حاصل کرنے کی اس کی کوششیں ناکام ہوئیں تو وہ آسام چلاگیا جہاں اس نے یومیہ اجرت پرکام کرنے والے مزدور اور سبزی فروش کے طور پر پیسہ کمایا۔ بعد میں وہ وجئے واڑہ آیا اور اپنے ایک دوست کے موٹر ڈرائیونگ اسکول کے دفترکی عمارت میں پناہ لی۔ دوست نے ملزم کی والدہ کو اسکے بارے میں بتانے کے لیے فون کیا تھا جس کے بعد پولیس کو اس کے ٹھکانے کے بارے میں سراغ مل گیا اور اسے گرفتار کر لیا۔ملزم کو عدالتی تحویل میں بھیج دیا گیا۔
