کولکتہ۔ اپنے پہلے خطاب کی تلاش میں اس مرتبہ فاف ڈو پلیسی کی زیرقیادت رائل چیلنجرز بنگلور (آر سی بی) جو سوپر اسٹارز کھلاڑیوں سے بھری ہوئی ہے وہ آئی پی ایل 2022 کے ایلیمنیٹر میں مشہور ایڈن گارڈنز میں وہ کل یہاں کے ایل راہول کی پراعتماد لکھنؤ سوپر جائنٹس (ایل ایس جی) سے مقابلہ کرے گی ۔ ایل ایس جی جو اپنا پہلا آئی پی ایل سیزن کھیل رہی ہے، لیگ مرحلے میں نو فتوحات کے ساتھ تیسرے نمبر پر رہی۔ دوسری طرف آرسی بی نے 16 پوائنٹس کے ساتھ چوتھا مقام حاصل کیا اور پلے آف کے لیے اس وقت کوالیفائیکیا جب ممبئی انڈینس نے اپنے آخری لیگ میچ میں دہلی کیپٹلس کو شکست د۔کئی برسوں کے دوران آر سی بی کے پاس بیٹرس کا غلبہ ہے، جو بالآخر ایک غیر متوازن پلیئنگ الیون کا باعث بنتا تھا۔ تاہم اس سال چیزیں بدل گئی ہیں اور بنگلور کی فرنچائز کے پاس لیگ میں بہترین بولنگ شعبہ ہے۔ انہوں نے اپنے پرس کا ایک تہائی حصہ وینندو ہسرنگا، ہرشل پٹیل اور جوش ہیزل ووڈ کی خدمات حاصل کرنے کے لیے صرف کیا جو آر سی بی کے لیے وکٹوں کے چارٹ میں سب سے اوپر ہیں اور ان میں سے ہر 14 گیندوں پر ایک وکٹ کے ساتھ 18 کے حساب سے 57 وکٹیں ہیں۔ تاہم آر سی بی کی سب سے بڑی پریشانی ٹاپ آرڈر کی بیٹنگ رہی ہے۔ ویراٹ کوہلی نے ایک دہائی سے زائد عرصے میں اپنے بدترین آئی پی ایل سیزن کو برداشت کیا ہے، جب کہ کپتان فاف ڈو پلیسی بڑے پیمانے پر متضاد رہے ہیں اور پاور پلے میں صرف 105 کی اسٹرائیک کرتے ہوئے سست رفتاری کا مظاہرہ کر رہے ہیں لیکن اپنے آخری لیگ کھیل میں دونوں بیٹنگ سوپر اسٹارز نے شاندار کارکردگی کا مظاہرہ کیا اور آر سی بی کو فتح تک پہنچایا۔ خاص طور پر ویراٹ کو آخر کار اپنی فام مل گئی اورآر سی بی کو ہائی پریشر ناک آؤٹ گیم میں قدم بڑھانے کے لیے ان کی ضرورت ہوگی۔ ڈو پلیسی اور ویراٹ کے علاوہ، گلین میکسویل کے پاس بھی اپنی ٹیم کے لیے تنہا گیم جیتنے کی صلاحیت ہے۔ لہذا ان کا حملہ آور ارادہ بھی آر سی بی کی کامیابی کی کلید ہوگا۔ رجت پاٹیدار، شہباز احمد اور مہیپال لومرور بھی بیٹنگ میںکام کر رہے ہیں۔ لوور آرڈر دنیش کارتک نے اپنے تیز رفتاربیٹرکا کردار نبھایا ہے۔ انہوں نے پورے سیزن میں 287 رنز (191 اسٹرائیک ریٹ) بنائے، ان میں سے 213 رنز ڈیتھ اوورز میں 215 رنز فی 100 گیندوں پر تقریباً ہر تیسری گیند پر باؤنڈری کے ساتھ آتے ہیں۔آر سی بی نے پلیئنگ الیون میں سب سے کم تبدیلیاں کیں۔ لہذا یہ دیکھنا دلچسپ ہوگا کہ آیا وہ سدھارتھ کول کی جگہ محمد سراج کو واپس لائیں گے کیوں کہ کولکتہ اور احمد آباد کی نئی پچوں پر سراج کی رفتار زیادہ کارآمد ثابت ہوگی۔ دوسری طرف سوپر جائنٹس اس سیزن میں سب سے زیادہ متوازن ٹیم رہی ہے جس میں بولنگ اور بیٹنگ دونوں شعبوں میں اچھی گہرائی کے ساتھ زیادہ تر شعبوں کا احاطہ کیا گیا ہے۔ کے ایل راہول (537 رنز) اورکوئنٹن ڈی کاک (502) کی ایل ایس جی اوپننگ جوڑی سیزن کا سب سے کامیاب اوپننگ جوڑی ہے۔ انفرادی طور پر وہ رن چارٹ میں دوسرے اور تیسرے نمبر پر ہیں اور ان کے درمیان 1000 سے زیادہ رنز ہیں اور سوپر جائنٹس کی جیت میں ان کا اثر اتنا واضح ہے کہ جب بھی ان میں سے کسی ایک نے یا دونوں نے 40 کو عبورکیا تو وہ ایک بڑی اننگز کھیلیں گے۔ تاہم جب راہول اور ڈی کاک دونوں ایک ساتھ ناکام ہوئے تو یہ لامحالہ سوپر جائنٹس کی شکست پر ختم ہوا ہے۔ ایل ایس جی نے اس سیزن میں جتنے بھی رنز بنائے ہیں ان میں دونوں اوپنرز کا حصہ تقریباً 47 فیصد ہے اور اس میں دیپک ہڈا کی تعداد شامل کریں جوکہ اہم تیسرے مقام پر بیٹنگ کررہے توکامیابی کے اعداد و شمار بڑھ کر تقریباً 65 فیصد ہو گئے۔نمبر تین پر ہڈا کی (406 رنز) کامیابی کے باوجود وہ رائلز کے خلاف رنز کے تعاقب میں ان کی بیٹنگ کو مزید گہرا کرنے کے لیے نیچے روانہ کیا گیا جو سوپر جائنٹس کے مڈل آرڈر کی مشکلات کو ظاہرکرتا ہے۔ چار مڈل آرڈر بیٹرس مارکس اسٹوئنس، کرونل پانڈیا، آیوش بدونی اور جیسن ہولڈرکے درمیان صرف ایک بار50 کا ہندسہ عبور ہوا ہے ۔ اویس خان، محسن خان، جیسن ہولڈر اور دشمنتا چمیرا پر مشتمل فاسٹ بولنگ شعبہ ایل ایس جی برتری فراہم کرتا ہے نوجوان کھلاڑی اویس اور محسن نے شاندار بولنگ کی ہے۔
