ڈھاکہ: بنگلہ دیش میں مسافرکشتی دریامیں ڈوبنے کے باعث 23 ہندو یاتری ہلاک ہوگئے۔غیر ملکی خبر ایجنسی کے مطابق پولیس نے بتایا ہے کہ کشتی میں 50 سے زیادہ ہندو یاتری سوار تھے،کشتی ڈوبنے کے حادثے میں لاپتہ مسافروں کی تلاش جاری ہے۔ حکام کے مطابق کشتی الٹنے کا حادثہ بودا قصبے کے نزدیک پیش آیا، ہندو یاتری مذہبی تہوار پر بودیشوری مندر جا رہے تھے۔ بنگلہ دیش پنچا گڑھ ضلع کی کاراٹویا دریا میں یہ واقعہ پیش آیا۔ بتایا گیا ہیکہ 30 دیگر افراد ابھی لاپتہ ہیں۔ کئی نعشوں کو دریا سے نکالا گیا ہے جن میں خواتین اور بچے بھی شامل ہیں۔
