پرتھ۔11 ڈسمبر (سیاست ڈاٹ کام) نیوزی لینڈ کے فاسٹ بولر ٹرینٹ بولٹ کا آسٹریلیا کے خلاف پرتھ میں جمعرات سے شروع ہونے والے پہلے کرکٹ ٹسٹ میں کھیلناغیر یقینی ہے ۔کپتان کین ولیمسن نے کہا ہے کہ وہ بولٹ کو فٹنس ثابت کرنے کا پورا موقع دیں گے جس سے ان کے پاس پرتھ میں کھیلنے کا متبادل کھلا ہوا ہے ۔ دراصل پرتھ کے میدان پر ہونے والے ڈے نائٹ ٹسٹ میں زیادہ سوئنگ ہونے کی توقع ہے اور بولٹ جس کے ماہر مانے جاتے ہیں۔ مہمان ٹیم بولٹ کو ہرحال میں میچ میں اتارنا چاہتا ہے ۔ ولیمسن نے کہا کہ ٹیم کے ٹریننگ سیشن کے بعد بولٹ کے میچ میں دستیاب رہنے سے متعلق وضاحت ہو سکے گی۔ہم ٹریننگ سیشن میں بولٹ کے کھیل کو پرکھیں گے اور اس کے بعد میچ سے پہلے ان کے کھیلنے سے متعلق حتمی فیصلہ کیا جائے گا۔آسٹریلیا کے دورے پر آئی پڑوسی ٹیم نیوزی لینڈ کو اپنے کھلاڑیوں کے زخموں کا سامنا ہے جس میں بولٹ کے علاوہ تجربہ کار راس ٹیلر بھی شامل ہیں جن کے انگوٹھے میں چوٹ لگی ہے جبکہ آل راؤنڈر کولن ڈی گرینڈھوم کے پیٹ کے پٹھوں میں کھنچاؤ ہے ۔ کپتان نے کہاکہ راس اب ٹھیک ہیں اور ان کی چوٹ سنگین نہیں ہے وہیں کولن بھی چوٹ سے ابھر رہے ہیں۔
