سکرے ۔15 نومبر (سیاست ڈاٹ کام) بولیویا کے لا پاز شہر میں خود ساختہ صدر جینن انیز کے استعفی کی مانگ کے سلسلے میں ایل آلتو کے باشندوں نے احتجاجی ریالی نکالی ۔ ہسپانوی زبان کے ا خبار لا رازون نے تصاویر کے ساتھ شائع اپنی رپورٹوں میں بتایا ہے کہ لوگوں نے جھنڈوں کے ساتھ قومی شاہراہوں پر احتجاجی ریالی نکالی جس میں شامل زیادہ تر مظاہرین سابق صدر ایو و مورالس کے حامی تھے ، جنہیں منتشر کرنے کے لئے سیکورٹی فورسز کے جوانوں نے آنسو گیس کے گولے داغے ۔ واضح ر ہے کہ مسٹر مورالس نے 20 اکتوبر کو صدارتی انتخابات میں پہلے مرحلے میں جیت کا دعوی کیا تھا، لیکن ان کے نزدیکی حریف کارلوس میسا نے انتخابی نتائج کو مسترد کر دیا اور اس کے بعد ملک بھر میں مظاہرے شروع ہو گئے تھے ۔ اس کے بعد بولیویا کی مسلح افواج نے ملک میں امن اور امان برقرار رکھنے کے لئے مسٹر مورالس سے استعفی دینے کی اپیل کی ۔ مسٹر مورالس کے عہدہ چھوڑنے کے بعد میکسیکو کے لئے روانہ ہو گئے اور وہاں انہوں نے پناہ لی ۔ اس کے بعد حزب اختلاف کی لیڈر انیز نے خود کو ملک کے عبوری صدر کا علان کیا تھا ۔