نیو یارک ۔کوروناوائرس کے درمیانکھیلے جانے والے ٹینس گرانڈ سلام یو ایس اوپن میں ہندوستان کی امیدیں ختم ہوگئیں ہیں۔ ہندوستانی اسٹارکھلاڑی روہن بوپنا اور ان کے کینیڈا کے ساتھی ڈینس شاپوالوف مینز ڈبلزکوارٹر فائنل میں باہر ہوگئے ہیں۔ انہیں ہالینڈ کے جین جولین راجر اور ان کے رومانیہ کے ساتھی ہوریا ٹیکو نے 7-5 ، 7-5 سے شکست دی۔دوج شرن اور سمت ناگل کے بعد اس ٹورنمنٹ میں بوپنا واحد ہندوستانی تھے ۔ ٹورنامنٹ کے سنگلز کے دوسرے راؤنڈ میں ناگل کو آسٹریا کے ڈومینک تھیم نے شکست دی۔ اسی دوران شارن اور ان کی سربیا کی نیکولاکیک کو ڈبلز کے پہلے راؤنڈ میں شکست کا سامنا کرنا پڑا تھا۔بوپنا اورشاپوالوف کی جوڑی راجر اور ٹیکو کی جوڑی کے خلاف ایک گھنٹہ26 منٹ تک جاری رہنے والے میچ میں5-7 ، 5-7 سے ہار گئی۔
