پیرس: فرانس کی نئی وزیر تعلیم ایملیا اودیا کستیغا پر بچوں کو پرائیویٹ اسکول بھیجنے کے فیصلے کی وجہ سے دباؤ بڑھ رہا ہے۔گزشتہ ہفتے کابینہ میں سابق جونیئر ٹینس چمپئن کو وزارت تعلیم کا عہدہ دیا گیا تھا۔ ان کے پاس وزیر کھیل کا عہدہ بھی ہے۔نئی ذمہ داریوں کے ساتھ ایملیا اودیا کستیغا پیرس میں نہ صرف 2024 کے اولمپکس کی تیاریوں کی قیادت کریں گی بلکہ فرانسیسی سیاست کے سب سے حساس معاملے کو بھی سنبھالیں گی۔وزیر تعلیم کے مطابق بچوں کو پرائیویٹ اسکول بھیجنے کا انتخاب اس لیے کیا کیونکہ ایک بیٹے کے اسکول میں غیرحاضری کے وقت متبادل استاد کا انتظام نہیں تھا۔ بطور وزیر تعلیم پیرس کے ایک اسکول کے پہلے دورہ پر صحافیوں سے گفتگو کرتے ہوئے انہوں نے کہا کہ وہ ملک بھر میں دیگر سینکڑوں خاندانوں کی طرح تنگ آ چکی تھیں۔ایملیا اودیا کستیغا جن کی شادی فرانسیسی دواساز کمپنی سنوفی کے صدر فریڈرک اودیا سے ہوئی ہیں، کے تینوں بچوں نے معتبر کیتھولک تعلیمی ادارہ ستنیسلاس اسکول میں تعلیم حاصل کی۔گذشتہ سال سے وزارت تعلیم کی جانب سے اس پرائیویٹ اسکول کے خلاف تحقیقات ہو رہی ہے کیونکہ ’ہم جنس پرست مخالف اور جنس پرستی کے رویے‘ کی خبریں سامنے آئی تھیں۔