غریبوں کو کیاش درکار ، لاک ڈاؤن ہٹانے میں احتیاط ضروری ، ورنہ ہوگا نقصان :راہول
نئی دہلی، 16 مئی (سیاست ڈاٹ کام) کانگریس کے سابق صدر راہول گاندھی نے کہا ہے اس وقت سب سے بڑی ضرورت کورونا وائرس کو شکست دینے کے لئے لاک ڈاؤن کو احتیاط سے جاری رکھتے ہوئے کاروباری سرگرمیوں کو شروع کرنے اور غریب کی جیب میں پیسہ ڈال کر طلب اور سپلائی کو برقرار رکھنا ہے ۔راہول نے جمعہ کو علاقائی میڈیا کے نمائندوں سے ویڈیو کانفرنسنگ کے ذریعہ بات چیت میں ایک مثال دی کہ جب بچوں کو چوٹ پہنچتی ہے تو ماں انہیں قرض نہیں دیتی بلکہ فوری زخم پر مرہم لگاتی ہے ۔ قرض پیاکیج نہیں ہونا چاہئیے ۔ حکومت کو ملک کے غریبوں، کسان مزدوروں، مائیگرینٹ محنت کشوں اور چھوٹے کاروباریوں کی جیب میں نقد رقم ڈال کر انہیں خریداری کے قابل بنانا چاہئیے ۔ وبا کی وجہ سے اقتصادی بحران بڑھ گیا ہے اور اسے ختم کرنے کے لئے لاک ڈاؤن کو سمجھداری سے ہٹانے کی ضرورت ہے ۔انہوں نے کہاکہ لاک ڈاؤن کوہٹانااورلگانا ایک پیچیدہ عمل ہے ۔لاک ڈاؤن کھولنے کی بات ہو رہی ہے اگر اسے بغیر سوچے سمجھے کھول دیا گیا تو نقصان ہوگا اس لیے سوچ سمجھ کے ساتھ اور لوگوں کو محفوظ رکھتے ہوئے یہ قدم اٹھانا ہے ۔ مائیگرینٹ محنت کشوں کو ان کے گھروں تک محفوظ پہنچانے کی ضرورت ہے ۔ان کو کیاش دینا اور قابل بنانا ہے ۔راہول نے کہا کہ مودی حکومت کورونا سے متعلق کئی فیصلوں میں دیگرممالک کی نقل کر رہی ہے۔
