ریاض : ایک عجیب و غریب واقعہ میں سعودی عرب کی طائف گورنری میں ایک سعودی بچے نے چابی نگل لی۔ بچے کو تشویشناک حال میں ہاسپٹل کے ایمرجنسی ڈپارٹمنٹ میں لایا گیا۔ چابی گلے میں پھنس جانے سے بچہ موت کے قریب پہنچ گیا تھا۔ تاہم طبی ٹیم نے فوری کارروائی کرکے بچے کی جان بچانے میں کامیابی حاصل کرلی۔ میڈیکل ٹیم نے چھوٹے بچے کا لیپروسکوپک آپریشن کیا اور حیران کن طور پر چابی کو نکال دیا۔کنگ فیصل میڈیکل کمپلیکس نے اپنے ٹویٹر اکاؤنٹ کے ذریعہ بتایا کہ اسے سانس کی تکلیف میں مبتلا ایک بچہ انتہائی تشویشناک حالت میں موصول ہوا۔ بچے کو ابتدائی طبی امداد کی فراہمی اور طبی اور ریڈیولاجیکل معائنے کی ضرورت تھی۔اس کی جانچ کی گئی تو غذائی نالی میں چابی کی شکل کے جسم کی موجودگی کا انکشاف ہوگیا۔ فوری طور پر ضروری اقدامات کئے گئے۔
