حیدرآباد ۔ 31 جنوری (پریس نوٹ) بھارتی ریلوے نے ٹرینوں کے تحفظ کے جدید مقامی نظام کاوَچ ورڑن 4.0 کے تحت ایک ہی دن میں 472.3 روٹ کلومیٹر کاوَچ کمیشن کر کے نیا ریکارڈ قائم کیا ہے، جو اب تک کی سب سے بڑی یومیہ اور ماہانہ تنصیب ہے۔ کاوَچ 4.0 کو مغربی ریلوے کے واڈودرا۔ ویرار (344 کلومیٹر)، شمالی ریلوے کے تغلق آباد۔ پلول (35 کلومیٹر) اور مشرقی وسطی ریلوے کے من پور۔ سرمتنر (93.3 کلومیٹر) حصوں پر نافذ کیا گیا ہے۔ اس کے ساتھ ہی بھارتی ریلوے کے پانچ زونز میں کاوَچ 4.0 کی مجموعی کوریج 1,306.3 روٹ کلومیٹر تک پہنچ گئی ہے۔ دہلی۔ممبئی کے انتہائی مصروف روٹ پر واقع تغلق آباد۔ پلول سیکشن میں کاوَچ کی تنصیب سے ٹرینوں کی آمد و رفت مزید محفوظ ہو گئی ہے۔ مشرقی وسطی ریلوے میں من پور–سرمتنر سیکشن پر کاوَچ سے لیس ٹرینوں کی کامیاب آزمائشی دوڑ کے دوران خودکار بریکنگ سسٹم نے اپنی مؤثریت ثابت کی۔مغربی ریلوے کے واڈودرا۔ سورت۔ ویرار سیکشن پر کاوَچ کی تنصیب ایک اہم سنگِ میل ہے۔A
، جہاں دادَر–بھج سیاجینگری ایکسپریس ممبئی سے کاوَچ سے لیس پہلی ٹرین بن گئی۔ کاوَچ 4.0، جو آر ڈی ایس او سے منظور شدہ اور عالمی معیار SIL-4 کے مطابق ہے، سگنل کی خلاف ورزی، حدِ رفتار سے تجاوز اور ٹرینوں کے ٹکراؤ کو روکنے میں مؤثر کردار ادا کرتا ہے۔ بھارتی ریلوے مسافروں کی حفاظت اور نظام کی قابلِ اعتماد کارکردگی کے لیے کاوَچ کی توسیع جاری رکھے ہوئے ہے۔
