راہول کی قیادت میں ہریپاڈ سے آغاز، عوام میں زبردست جوش وخروش
تروننتا پورم : کانگریس کی کنیا کماری سے شروع ہونے والی اس یاترا نے 10 دن میں 200 کلومیٹر کا فاصلہ طے کیا ہے۔ آج راہول گاندھی سمیت تمام پد یاتریوں نے کیرالہ کے الاپوزا میں ہریپاد سے 11ویں دن کا سفر شروع کیا۔بھارت جوڑو یاترا کا آج کا سفر 6.30 بجے سے ہریپاد سے شروع ہوا۔ 13 کلومیٹر چلنے کے بعد ہندوستان اور ریاست سے وابستہ پد یاتری آرام کے لئے اوٹاپنا کے سری کروٹو بھگوتی مندر میں ٹھہرے۔ اس کے بعد کوٹناڈ اور پڑوسی اضلاع کے کسانوں سے گفتگو کا پروگرام طے ہے۔کانگریس پارٹی کی جانب سے‘بھارت جوڑو یاترا‘ کے نام سے ہندوستان کو متحد کرنے کے لئے چلائی جا رہی مہم کا 11واں دن ہے۔ آج اتوار (18 ستمبر 2022) کو راہول گاندھی سمیت تمام پد یاتریوں نے کیرالہ کے الاپوزا میں ہریپاد سے سفر شروع کیا۔ پد یاترا کو لے کر مقامی لوگوں میں کافی جوش و خروش ہے اور اس میں ہزاروں کی تعداد میں لوگ شامل ہو رہے ہیں۔