بھونگیر۔/19 جولائی ( سیاست ڈسٹرکٹ نیوز)بھونگیرشا ورکرس کے امتحانی نظام کو ختم کیا جائے، سی آئی ٹی یو کے ضلع صدر داسری پانڈو نے مطالبہ کیا کہ حکومت کو آشا ورکرس کے امتحان کے انعقاد کے نظام کو فوری طور پر منسوخ کرنا چاہیئے۔ اس دن سی آئی ٹی یو کے زیراہتمام تلنگانہ آشا ورکرس اسٹیٹ کمیٹی کی طرف سے دی گئی کال پر مقامی بھونگیر ایم ایل اے کے کیمپ آفس کے سامنے دھرنا منعقد کیا گیا۔ اس موقع پر داساری پانڈو نے کہا کہ گاؤں میں برسوں سے لوگوں کو طبی خدمات فراہم کرنے والی آشا ورکرس کی جانچ کے نظام کو ختم کیا جائے اور حکومت سے مطالبہ کیا کہ آشا ورکروں کو ترقیاں دی جائیں اور افسران کو ہراساں کرنا بند کیا جائے۔ اس پروگرام میں سیٹو ضلع اسسٹنٹ سکریٹری مایا کرشنا آشا ورکرس یونین ضلع جنرل سکریٹری کاساگونی للیتا، ضلع قائدین رنگا سنتوش ، منڈل صدر جیوتی ، چندرکلا ، انیتا، شوبھا ، ارونا ،سجاتا، پوانی، انیتا، لکشمی اور دیگر نے حصہ لیا۔
