بھوپال:مدھیہ پردیش کے وزیر اعلی شیوراج سنگھ چوہان نے آج اعلان کیا کہ بھوپال اور اندور میں پولس کمشنر نظام نافذ کیا جائے گا۔اس کا اعلان کرتے ہوئے چوہان نے کہا کہ ریاست میں امن و امان کی صورتحال بہتر ہے ، لیکن بھوپال اور اندور میں بڑھتی ہوئی آبادی، جغرافیائی وسعت اور ٹیکنالوجی کی وجہ سے پیدا ہونے والی امن و امان کی صورتحال کو دیکھتے ہوئے یہ فیصلہ لیا گیا ہے ۔وزیراعلیٰ نے کہا کہ اس نظام کے نفاذ سے قبل امن و امان کو پہلے سے بہتر بنانے کا کام کیا جائے گا۔ریاست کے بھوپال اور اندور میں پولس کمشنری نظام کے نفاذ کا مطالبہ بہت پرانا ہے ۔
