کانگریس کے لیڈر ورکن پارلیمان نے شہید بھگت سنگھ ، راج گرو اور سکھ دیو کو ہندوستان کا سب سے بڑا ایوارڈ بھارت رتن دینے کا مطالبہ کیا ہے۔ تیواری نے مودی کو خط لکھ کر مطالبہ کیا ہے۔
تیواری نے اگلے سال 26 جنوری کو تینوں شہیدوں کو بھارت رتن دینے اور رسمی طور پر ’شہید اعظم‘ کا خطاب دینے کی درخواست کی ہے۔ انہوں نے کہا کہ شہید بھگت سنگھ، راج گرو اور سکھ دیو نے برطانوی حکومت کے خلاف اعلی ترین قربانی دے کر محبان وطن کی ایک پوری نسل کو پیغام دیا ہے۔
تیواری نے اسی کے ساتھ چنڈی گڑھ ہوائی اڈے کا نام شہید اعظم شہید بھگت سنگھ کرنے کی بھی وزیراعظم سے درخواست درخواست کی۔ انہوں نے کہا کہ یہ فیصلہ ملک کے 124 کروڑ لوگوں کے دلوں اور جذبات کے مطابق ہوگا۔ واضح رہے کہ بھگت سنگھ‘ راج گرو اور سکھ دیو کو 23مارچ 1931کو انگریزوں نے پھانسی دے دی تھی۔