اترپردیش میں ہونے والے اسمبلی انتخابات میں گورکھپور صدر سیٹ سے بڑا سیاسی مقابلہ دیکھنے کو مل سکتا ہے۔ بھیم آرمی کے چیف اور آزاد سماج پارٹی کے سربراہ چندر شیکھر آزاد گورکھپور صدر سے بی جے پی امیدور وزیر اعلیٰ یوگی آدتیہ ناتھ کے خلاف الیکشن لڑیں گے۔آزاد سماج پارٹی نے گورکھپور صدر سیٹ (322) سے چندر شیکھر آزاد کو اپنا امیدوار بنایا ہے۔ پارٹی کے اس فیصلے پر بھیم آرمی کے بانی چندر شیکھر آزاد نے خوشی ظاہر کی ہے۔ انہون نے ٹوئٹ کرکے کہا، ’بہت بہت شکریہ سادھوواد۔ گزشتہ پانچ سال بھی لڑا ہوں اور اب بھی لڑوں گا۔ جے بھیم، جے منڈل، بہوجن ہتائے، بہوجن سکھائے‘۔