گوپال گنج : بہار کے گوپال گنج ضلع کے محمد پور تھانہ علاقہ کے محمد پور گاؤں میں زہریلی شراب پینے سے مرنے والوں کی تعداد بڑھ کر 13 ہوگئی ہے ۔ضلع انتظامیہ نے محمد پور گاؤںمیں 9 لوگوں کی مشتبہ حالت میں موت کی تصدیق کی ہے لیکن گاؤں والوںکے مطابق زہریلی شراب پینے سے اب تک 13 افرادکی موت ہوئی ہے ۔ گزشتہ روز آٹھ افراد کی موت ہوئی تھی ۔ جمعرات کی صبح تک مرنے والوں کی تعداد بڑھ کر 13 ہوگئی ۔پولیس سپرنٹنڈنٹ آنند کمار نے بتایاکہ مشتبہ اموات کے معاملے کی تفتیش کی جارہی ہے۔ لاشوں کی پوسٹ مارٹم اور ایس ایف ایل کے توسط سے جانچ کرائی جارہی ہے ۔ رپورٹ آنے کے بعد ہی پتہ چلے گا کہ آخرلوگوں کی موت کس وجہ سے ہوئی ہے ۔انہوں نے بتایاکہ اس معاملے میں چار لوگوں حراست میں لیکر تفتیش کی جارہی ہے ۔