نئی دہلی ، 8 جولائی (یو این آئی) الیکشن کمیشن کی بہار کی ووٹر لسٹ میں بہار کی خصوصی نظر ثانی کے فیصلے کے خلاف کانگریس اور دیگر بڑی اپوزیشن پارٹیوں کے لیڈروں کی جانب سے سپریم کورٹ میں دائر درخواستوں برعکس بھارتیہ جنتا پارٹی (بی جے پی) کے رہنما اور ایڈووکیٹ اشون اپادھیائے نے ایک درخواست دائر کی ہے ۔منگل کے روز جسٹس سدھانشو دھولیا اور جسٹس جوئے مالا باگچی کے ایک تعطیلاتی بینچ نے درخواست گزار ایڈوکیٹ اپادھیائے کی درخواست پر ان سے کہا ہے کہ وہ اپنی درخواست میں خامیوں کو دور کرکے اسے 10 جولائی کو سماعت کے لئے درج فہرست کرنے کی درخواست رجسٹری (عدالت عظمی) سے کریں۔درخواست گزار اپادھیائے نے آج جسٹس سدھانشو ڈھولیا کی سربراہی والی بنچ کے سامنے خصوصی طور پر ذکر کرتے ہوئے اپنی درخواست پر سماعت کے لئے 10 جولائی (چیلنج دینے والی درخواستوں کے ساتھ) کے لئے درج فہرست کرنے کی درخواست کی تھی۔عدالت عظمی نے پیر کے روز کہا کہ وہ 10 جولائی کو بہار کی ووٹر لسٹ سے متعلق کمیشن کی ہدایات کو چیلنج کرنے والی درخواستوں پر غور کرے گی۔ ایڈوکیٹ اپادھیائے کے ذریعہ دائر درخواست میں الیکشن کمیشن سے مطالبہ کیا گیا ہے کہ وہ پارلیمانی ، ریاستی اسمبلی اور مقامی بلدیاتی انتخابات سے قبل باقاعدہ وقفے سے ووٹروں کی فہرستوں پر خصوصی نظر ثانی کریں۔انہوں نے (اپادھیائے) نے اپنی درخواست میں کہا ہے کہ آزادی کے بعد ملک میں بڑے پیمانے پر غیر قانونی دراندازی ، دھوکہ دے کر مذہب تبدیل کرنے اورآبادی میں بے پناہ اضافے کے سبب 200 اضلاع اور 1500 تحصیلوں کی آبادی کے اعداد و شمار بدل گئے ہیں۔ ایسے میں مرکز، ریاستی حکومتوں اور الیکشن کمیشن کا یہ آئینی فرض ہے کہ وہ اس بات کو یقینی بنائے کہ پارلیمانی، ریاستی اسمبلی اور مقامی بلدیاتی انتخابات میں صرف اصل شہری ہی ووت ڈالیں، نہ کہ غیر ملکی۔ اس کے لئے ، وقتا فوقتا ووٹروں کی فہرستوں کی خصوصی جانچ ضروری ہے ۔
ووٹر لسٹ کی نظر ثانی، تقریباً 47 فیصد فارم موصول
نئی دہلی، 8جولائی (یو این آئی) بہار میں ووٹر لسٹ کی خصوصی نظرثانی کے عمل میں دو ہفتوں کے اندر انتخابی عہدیداروں کو تقریباً نصف ووٹروں کے بھرے ہوئے فارم موصول ہوئے ہیں۔ الیکشن کمیشن کی طرف سے آج جاری پریس ریلیز میں دی گئیں۔گنتی کے فارم وصول کرنے کی آخری تاریخ 25 جولائی ہے ۔الیکشن کمیشن نے کہا ہے کہ بہار میں نظرثانی کے عمل کے تحت گنتی کے 3,70,77,077 فارم موصول ہوئے ہیں، جو ریاست کے 7,89,69,844 ووٹروں کی کل تعداد کا 46.95 فیصد ہے ۔ کمیشن نے 24 جون کو نظر ثانی کیلئے حکم نامہ جاری کیا تھا۔الیکشن کمیشن نے ان دو ہفتوں میں نظرثانی کے کام کیلئے 7.90 کروڑ فارم پرنٹ کیے ہیں اور فہرست میں رجسٹرڈ ووٹروں میں سے 97 فیصد سے زیادہ (7,70,44,990) کو گنتی کے فارم تقسیم کیے گئے ہیں۔
کمیشن کا کہنا ہے کہ اس کے ایپ ECInet پر اب تک 18.16 فیصد فارم اپ لوڈ کیے جا چکے ہیں۔ کمیشن نے کہا کہ اس کام کو تیز کرنے کیلئے مزید 20,603 بوتھ لیول آفیسرز (BLOs) کو شامل کیا گیا ہے جبکہ پہلے سے مقرر کردہ 77,895 بی ایل او گھر گھر جا کر ووٹروں کو ان کی گنتی کے فارم بھرنے اور جمع کرنے میں مدد کر رہے ہیں۔