پٹنہ: بہار میں قانون ساز کونسل کی پانچ نشستوں کے نتائج کا اعلان کر دیا گیا۔ بی جے پی نے 5 میں سے 2 سیٹیں جیت لیں۔ ساتھ ہی مھا گٹھبندھن کو بھی 2 سیٹوں پر کامیابی ملی۔ ایک نشست آزاد امیدوار آفاق احمد کے حصے میں آئی، انہیں پرشانت کشور کے جان سورج کی حمایت حاصل تھی۔بہار قانون ساز کونسل کے اساتذہ اور گریجویٹ حلقوں کی پانچ نشستوں کے لیے 31 مارچ کو ووٹنگ ہوئی تھی۔ جنتا دل یونائیٹڈ کے وریندر نارائن یادو نے گریجویٹ انتخابات میں سرن سیٹ پر بی جے پی کے ڈاکٹر مہاچندر پرساد سنگھ کو شکست دی۔ دوسری طرف سرن ٹیچر سیٹ پر آزاد امیدوار آفاق احمد نے سی پی آئی کے امیدوار آنند پشکر کو شکست دی۔
