تاج محل میں سیاحوں کی بہت زیادہ آمد کو دیکھتے ہوئے تاج محل کے مرکزی مقبرے کی سیر کے لیے فیس وصول کرنے کا فیصلہ کیا گیا ہے، جب کہ آزادی کے امرت تہوار پر تمام یادگاروں میں داخلہ مفت ہے۔ اس سلسلے میں ایک ہدایت جمعہ کو آرکیالوجیکل سروے آف انڈیا (حکومت ہند) کے ڈائریکٹر (یادگار) ڈاکٹر این کے پاٹھک نے جاری کی ہے۔ ہدایات کے مطابق یہ حکم 13 اگست سے 15 اگست تک نافذ العمل رہے گا اس کے تحت سیاح تاج محل میں مفت داخلہ لے سکیں گے لیکن مرکزی گنبد پر نہیں، اس کے لیے انہیں ٹکٹ خریدنا ہوگا۔
