بیشتراضلاع میں بارش،نظام آباد میں کئی مکانات میں پانی داخل

حیدرآباد 19 اگست ( یو این آئی) تلنگانہ کے بیشتراضلاع میں تقریباً 10یا 15دنوں بعد جمعہ کی شب اوسط تا شدید بارش ہوئی۔ بھدرادری کوتہ گوڑم میں سب سے زیادہ 10.7 سنٹی میٹر بارش ہوئی ۔ بھوپال پلی چلپور میں 7.95، ملگ لکشمی دیوی پیٹ میں 7.6، مُلگ کنائی گوڑم میں 5.6 اور وینکٹا پورم میں 5 سنٹی میٹر بارش درج کی گئی۔منچریال،آصف آباد، عادل آباد، نرمل، نظام آباد، پداپلی، جگتیال، سرسلہ و کریم نگر اضلاع میں ہلکی بارش ہوئی۔ نظام آباد کے تمام منڈلوں میں موسلادھار بارش ہوئی جس کے باعث نشیبی علاقے زیر آب آگئے ۔ کئی علاقوں میں مکانات میں پانی داخل ہوگیا۔ زیرآب آگئے ۔ نشیبی علاقوں کے عوام کو محتاط رہنے کا مشورہ دیا گیا ہے ۔بارش سے کئی ذخائر کی سطح میں اضافہ ہوا ۔سری رام ساگر پراجیکٹ کی سطح میں بتدریج اضافہ ہورہا ہے ۔ اس پراجکٹ میں 30 ہزار کیوسک پانی کا بہاو درج کیاگیا ہے ۔ اسی دوران حیدرآباد اور مضافات میں بھی ہلکی بارش ہوئی۔ شمال مغربی خلیج بنگال میں کم دباؤ سے آج اور کل ریاست کے کئی اضلاع میں موسلادھار بارش کا امکان ہے ۔