ماسکو: بیلاروس نے روس میں ضم ہوکر یونین اسٹیٹ بنانے کا فیصلہ کیا ہے۔کریملن کے ترجمان نے کہا ہے کہ دونوں ممالک کا انضمام مشترکہ مفادات پر ہوگا۔کریملن کے ترجمان دمتری پیسکوف نے بیلا روس کے روس میں انضمام سے متعلق میڈیا نمائندوں کو بتایا کہ دونوں ممالک کا انضمام مشترکہ مفادات کو دیکھتے ہوئے کیا جارہا ہے ۔مسٹر دمتری کے مطابق روسی صدر ولادیمیر پوتن اور بیلاروسی صدر الیگزینڈر لوکاشینکو نے کل کہا تھا کہ انضمام کیلئے ایک انتہائی عملی اور حقیقت پسندانہ نقطہ نظر کی ضرورت ہے اور یونین کے اہداف مقرر کیے گئے ہیں جو عملی طور پر دستخط کیلئے تیار ہیں اور اس سلسلے میں تمام 28 یونین پروگراموں کو مربوط کیا گیا ہے ۔مشترکہ میکرو اکنامک پالیسی، ادائیگی کے نظام کا انضمام، معلومات کی حفاظت کے حوالے سے تعاون، کسٹم، ٹیکس، توانائی اور دیگر شعبوں میں تعاون پر اتفاق کیا گیا۔
