ویلنگٹن۔20 جولائی (سیاست ڈاٹ کام) انگلینڈ کو ورلڈ چمپیئن بنوانے میں اہم کردار ادا کرنے والے بین اسٹوکس کو نیوزی لینڈ نے سال کے سب سے بڑے اعزاز کے لیے نامزد کردیا ہے۔ لارڈز میں کھیلے گئے ورلڈ کپ فائنل میں نیوزی لینڈ کی جانب سے دیے گئے ہدف کے تعاقب میں انگلینڈ کی ٹیم مشکلات سے دوچار تھی لیکن بین اسٹوکس نے مشکل مرحلے پر شاندار اننگز کھیل کر جوس بٹلرکے ہمراہ اہم شراکت قائم کر کے اپنی ٹیم کی کشتی پار لگائی۔میچ ٹائی ہونے پر سوپر اوور بھی ٹائی رہا جس کے بعد سوپر اوور میں بھی مقابلہ ٹائی ہونے پر انگلینڈ کی ٹیم زیادہ باؤنڈریز کی بنیاد پر چمپیئن قرار پائی۔فائنل میں مین آف دی میچ کا اعزاز حاصل کرنے والے بین اسٹوکس نیوزی لینڈ میں پیدا ہوئے تھے لیکن جب وہ 12سال کے تھے تو ان کا خاندان انگلینڈ منتقل ہو گئی تھی۔ نیوزی لینڈ کے لئے رگبی کھیلنے والے ان کے والد جیرارڈ نے انگلینڈ آکر کوچنگ کا شعبہ اپنایا۔ اس کے بعد اسٹوکس کے والدین کو وطن واپس لوٹ گئے لیکن آل راؤنڈر نے انگلینڈ میں ہی رہنے کو ترجیح دی اور کرکٹ کو بحیثیت پیشہ اپنایا۔ نیوزی لینڈ نے اسی بات کو مدنظر رکھ کر سال کے سب سے بڑے ایوارڈ نیوزی لینڈرآف دی ایئرکے لئے اسٹوکس کو نامزد کیا ہے۔ واضح رہے کہ بین اسٹوکس کو انگلینڈ کا اعلیٰ ترین اعزاز نائٹ ہْڈ بھی دیا جائے گا۔اس کے علاوہ ساتھ نیوزی لینڈکے کپتان کین ولیمسن کو بھی ورلڈکپ کے لیے نامزد کیا گیا ہے۔
