نئی دہلی: کورونا کے بڑھتے ہوئے معاملات کے پیش نظر ڈائریکٹوریٹ جنرل آف سیول ایوی ایشن(ڈی جی سی اے) نے انٹرنیشنل فلائٹس پر پابندی میں 31 مارچ تک توسیع کردی ہے۔ ڈی جی سی اے نے ٹویٹر کے ذریعے یہ معلومات دیں۔ملک میں کووڈ کی وبا کے پیش نظر پچھلے سال 23 مارچ سے بین الاقوامی پروازوں کی سروس معطل کردی گئی تھی۔اس سے قبل یہ پابندی 28 فروری تک نافذ العمل تھی ، لیکن جس طرح سے آخری دنوں میں کوویڈ کے معاملات میں تیزی دیکھنے میں آئی ہے ، اس کے بعد ڈی جی سی اے نے اس میں ایک ماہ کی توسیع کرنے کا فیصلہ کیاہے اور ہدایات جاری کی ہیں۔ان کی جاری کردہ ہدایات کے مطابق 31 مارچ 2021ء تک ہندوستان سے اورہندوستان کے لیے بین الاقوامی فلائیٹس معطل ہیں۔تاہم ڈی جی سی اے نے یہ بھی کہاہے کہ مخصوص حالات میں منتخب راستوں پرپروازوں کی اجازت دی جاسکتی ہے۔
