چنئی : ان دنوں ہر طرف اے آئی کا چرچا ہو رہا ہے۔ کچھ جگہوں پر اس کا مثبت استعمال ہو رہا ہے اور دوسری جگہوں پر اس کا منفی استعمال ہو رہا ہے۔ ایسا ہی ایک معاملہ جنوبی ہندوستان میں اپنے بیٹے کی شادی میں مرحوم باپ کی موجودگی سے متعلق سامنے آیا ہے۔ اس ویڈیوکو دیکھنے والے سب حیران رہ گئے اور کہنے لگے واہ کیا ہو رہا ہے۔ جنوبی ہندوستان میں شادی کی تقریب کے دوران ایک ویڈیو چلائی گئی جس میں دولہا کے مرحوم والد کو آسمان سے اترتے دکھایا گیا ہے۔ اس کے علاوہ وہ شادی کی تقریب میں شرکت کے بعد اپنی بیوی اور بیٹوں سے ملتے اورکھانا کھاتے نظر آتے ہیں۔ اس کے بعد اسے دوبارہ آسمان میں جاتے ہوئے دکھایا گیا۔ ویڈیو دیکھ کر سب حیران رہ گئے۔ اپنے بیٹے کی شادی کے ہر موقع پر حاضر رہیں اس ویڈیو نے نئی بحث چھیڑ دی ہے ۔ لوگوں سے موصول ہونے والی معلومات کے مطابق بیٹے کی شادی سے پہلے ہی اس کے والد کسی وجہ سے اس دنیا سے چلے گئے۔ ویڈیو اس طرح بنائی گئی ہے کہ باپ آسمان سے آتا ہے اور بیٹے کی شادی کے ہر موقع پر موجود ہوتا ہے۔ ویڈیو میں اس شخص کو اپنی بیوی اور بچوں کے ساتھ کھانے سے لطف اندوز ہوتے دکھایا گیا ہے۔ ویڈیو دیکھنے کے بعد وہاں بیٹھے تمام لوگوں کی آنکھیں آنسوؤں سے تر ہوگئیں۔اے آئی یعنی مصنوعی ذہانت کو آج کافی ترقی مل رہی ہے ۔ مصنوعی ذہانت کمپیوٹر سائنس کی ایک جدید شاخ ہے۔ اس میں کمپیوٹر پروگرامنگ کے ذریعے مشین کو اتنا ذہین بنانے کی کوشش کی گئی ہے کہ وہ انسانوں کی طرح سوچ سمجھ کر فیصلے کر سکے۔ امریکی کمپیوٹر سائنس دان جان میکارتھی کو مصنوعی ذہانت کا باپ سمجھا جاتا ہے۔میکارتھی نے1956 میں ڈارٹ ماؤتھ کانفرنس کا اہتمام کیا، جہاں اس نے سب سے پہلے اے آئی کے تصورات اور امکانات پر تبادلہ خیال کیا۔اس وقت دنیا میں اے آئی کا بول بالاہے عام زندگی سے لیکر تحقیقی کاموں تک اے آئی اہم ہوچکا ہے ۔
